ರಾಜ್ಯದ ಜನರಿಗೆ ಶಾಕ್‌ ಕೊಟ್ಟ ಸರ್ಕಾರ: ನಂದಿನಿ ಹಾಲಿನ ದರ 3 ರೂ ಏರಿಕೆ

ಬೆಂಗಳೂರು: ಕರ್ನಾಟಕ ಸಹಕಾರ ಹಾಲು ಉತ್ಪಾದಕರ ಒಕ್ಕೂಟ (ಕೆಎಂಎಫ್‌) ನಂದಿನಿ ಹಾಲಿನ ದರವನ್ನು ಪ್ರತಿ ಲೀಟರ್‌ಗೆ ಮೂರು ರೂಪಾಯಿ ಹೆಚ್ಚಳ ಮಾಡಲು ತೀರ್ಮಾನಿಸಿದ್ದು, ಈ ಹೊಸ ದರವು ಆಗಸ್ಟ್‌ 1 ರಿಂದ ಜಾರಿಗೆ ಬರಲಿದೆ.

ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಶುಕ್ರವಾರ ರಾಜ್ಯದಲ್ಲಿನ ಎಲ್ಲ ಹಾಲು ಒಕ್ಕೂಟಗಳು ಹಾಗೂ ಕೆಎಂಎಫ್‌ ಅಧ್ಯಕ್ಷರ ಸಭೆ ನಡೆಸಿದರು. ಈ ಸಭೆಯಲ್ಲಿ ಪ್ರತಿ ಲೀಟರ್‌ಗೆ ಮೂರು ರೂಪಾಯಿ ಹೆಚ್ಚಳ ಮಾಡಲು ತೀರ್ಮಾನ ಮಾಡಲಾಗಿದೆ.

ಕೆಎಂಎಫ್‌ 5 ರೂಪಾಯಿ ಹೆಚ್ಚಳಕ್ಕೆ ಬೇಡಿಕೆ ಇಟ್ಟಿದ್ದು, ಸರ್ಕಾರ 3 ರೂಪಾಯಿ ಹೆಚ್ಚಳಕ್ಕೆ ಅನುಮತಿ ನೀಡಿದೆ. ಎಲ್ಲಾ ಮಾದರಿಯ ಹಾಲಿಗೂ 3 ರೂ ದರ ಏರಿಕೆ ಆಗಲಿದದ್ದು, ದರ ಏರಿಕೆ ಹಣ ರೈತರಿಗೆ ತಲುಪಲಿದೆ.

ಪ್ರಸ್ತುತ ಹಾಲಿನ ದರ (ಪ್ರತಿ ಲೀಟರ್‌) :

ಟೋನ್ಡ್ ಹಾಲು: 39

ಹೋಮೋಜಿನೈಸ್ಡ್‌ ಹಾಲು: 40

ಹೋಮೋಜಿನೈಸ್ಡ್‌ ಹಸುವಿನ ಹಾಲು: 44

ಸ್ಪೆಷಲ್‌ ಹಾಲು: 45

ಶುಭಂ ಹಾಲು: 45

ಹೋಮೋಜಿನೈಸ್ಡ್‌ ಸ್ಟ್ಯಾಂಡಡೈಸ್ಡ್ ಹಾಲು: 46

ಸಮೃದ್ಧಿ ಹಾಲು: 50

ಸಂತೃಪ್ತಿ ಹಾಲು: 52

ಡಬಲ್ಡ್‌ ಟೋನ್ಡ್‌ ಹಾಲು: 38

ಮೊಸರು ಪ್ರತಿ ಕೆ.ಜಿಗೆ: 47

3 ರೂಪಾಯಿ ದರ ಏರಿಕೆ ಬಳಿಕ ಪ್ರತಿ ಲೀಟರ್‌ಗೆ :

ಟೋನ್ಡ್ ಹಾಲು: 42

ಹೋಮೋಜಿನೈಸ್ಡ್‌ ಹಾಲು: 43

ಹೋಮೋಜಿನೈಸ್ಡ್‌ ಹಸುವಿನ ಹಾಲು: 47

ಸ್ಪೆಷಲ್‌ ಹಾಲು: 48

ಶುಭಂ ಹಾಲು: 48

ಹೋಮೋಜಿನೈಸ್ಡ್‌ ಸ್ಟ್ಯಾಂಡಡೈಸ್ಡ್ ಹಾಲು: 49

ಸಮೃದ್ಧಿ ಹಾಲು: 53

ಸಂತೃಪ್ತಿ ಹಾಲು: 55

ಡಬಲ್ಡ್‌ ಟೋನ್ಡ್‌ ಹಾಲು: 41

ಮೊಸರು ಪ್ರತಿ ಲೀಟರ್‌ಗೆ: 50